Ўт қопи ва касалликлари бўйича умумий тушунча.

Ўт қопи – ўз номи билан кўриниб турганидек, кичик нок шаклидаги ичи бўш бўлган аъзо. У жигар остида жойлашган ва жигар билан майда трубкалар билан боғланган. Унинг ичида ўт суюқлиги бўлади. Ўт суюқлиги – жигар ишлаб чиқарадиган суюқлик. Ўт суюқлигининг вазифаси овқат таркибидаги ёғни эритиш ва овқатни ичакдаги харакатини активлаштириш.

Ўт қопининг вазифаси – ўт суюқлигини йиғиш, концентрациялаш ва керакли вақтда уни ўн икки бармоқ ичакка ўтказиб бериш. Бир суткада 2 литр атрофида ўт суюқлиги ишлаб чиқарилади.

Ўт қопининг кўп учрайдиган касалликлари:

• Ўт қопи дискинезияси – (дис – бузилиш, кинезия – харакат) ўт қопининг деворида мушак тўқима мавжуд бўлиб, улар қисқарганда ўт ичакка харакатланади. Шу мушаклар фаолияти бузилса юқоридаги касаллик юзага келади.
• Ўт тош касаллиги – инсон ўт қопидаги тошни деярли сезмайди, аммо у харакатланиб ўт йўлига тиқилиб қолса жуда кучли оғриқ бўлади.
• Холецистит – ўт қопини яллиғланиши. Бу ўткир ёки сурункали хамда тошли ёки тошсиз бўлиши мумкин.