ҚИШ ФАСЛИДА ҚАНДАЙ ОВҚАТЛАНИШ КЕРАК?

Агар қиш фасли ўз табиатида боқий турса (яъни қиш қишлигини қилса совуқ ва қор мўътадил даражада бўлса)бу фаслда овқатнинг иссиқлиги кучлироқ ва қуйиқроғини исътемол қилиш лозим. Шунинг учун табиблар бу фаслда қовурдоқлар, палов ва бошқа оғир хазмли овқатларни истъемолини кўпроқ тавсия қилишган. Бунга сабаб ташқи мухит хароратини паст бўлиши натижасида томирлардаги хилтлар миқдори камаяди. Соддароқ тушунтирсак организм ўзини меёрий хароратини сақлаш учун катта миқдорда энергия сарфлайди.Шу билан бирга катта миқдорда энергияни сақлаш учун қишни совуғида териларимиз буришиб ёрила бошлайди. Бадан харорати ичкарига қамалгач (йиғилгач) меъда харорати баланд ва хазм қобиляти кучли бўлад, овқатни тезда хазм қилиб ичакларга ўтқазади. Агар меъда бўш бўлса, унга бошқа моддалар йиғилиб, кўпгина офатларга сабаб бўлиши мумкин. Шунинг учун қиш фаслида бошқа фаслларга нисбатан иштаха ва хазм кучлироқ бўлади.Бинобарин қуйиқ таом ейилса, уни хазми учун хазм қилиш қуввати кўпроқ машғул бўлиши билан бошқа кўп овқатдан озод бўлади, хамда, қуйиқ овқатнинг хазмига қодир бўлади. Қиш фаслида сабзовотлардан карам, петрушка, қизилча кўпроқ истеъмол қилиш керак.Чунки карам ва қизилча ғализ ва иссиқликдир. Петрушка тешикларни(тиқилмаларнин) очувчи ва хилтларни юмшатувчидир. Шунинг ёдда тутиш керакки, қиш фаслида овқат миқдорини ошириш лозим бўлгандай риёзат (харакат)ва мехнат миқдорини ҳам ошириш керак. Шунда организм қўйилган хилтларни латиф ва оқувчан қилиб, эриб тарқатишга қобилятли бўлади ва турли касалликларнинг ривожланишини профилактикаси бўлади.

Доктор: Саттаров А.И.

Табиба: Саттарова Г.К.