Бош айланиши хақида тўлиқ маълумот.

Бош айланиши – (баъзилар "харакат иллюзияси” деб хам аталади) бу тана холати ва харакатини нотўғри англашдир. Бош айланиши – инсоннинг вестибуляр, кўриш ва англаш қобилияти ўртасидаги номувофиқликдир. Агар сизда бош айланиши бир неча марта қайталанса ва аниқ сабаби бўлмаса, унинг сабабини топишга шошилиш керак. Унинг жуда кўп сабаблари мавжуд.

Бош айланишининг сабаблари:

• Вегетатив дисфункция (вегетотомир ёки нейродисциркулятор дистония) – бирдан турганда ёки қайрилганда юзага келади ва аста-секин пасаяди.
• Гидропс (ички қулоқ истисқоси) ва отит (ўрта қулоқ яллиғланиши) – бош айланиши билан биргаликда эшитиш пасайиши ва қулоқда шовқин эшитилади.
• "Бошсиз мигрень” – бош оғриқсиз мигрень. Унда бош оғримасдан фақат бош айланиши кузатилади.
• Бош мия ўсмалари
• Инсульт – бош айланишидан ташқари талаффуз бузилиши, тана қисмлар харакати ва сезгиси бузилиши ёки хушдан кетиш хам бўлади.
• Узоқ бир жойда ўтириб ишлагандан сўнг бирдан турганда бўладиган бош айланиши. Бу бўйин мушакларини тонуси ошиб кетганлиги оқибатида бўлади. Бу холат бўйин умуртқаси шикастланганларда хам бўлади.
• Дорилар – жуда кўп дорилар бош айланиши бериши мумкин.
• "Харакат касаллиги” – сув, хаво ва ердаги транспортлардаги бош айланиши. Бу соғлом одамда хам бўлиши мумкин. Уни олдини оладиган дорилар хозирда жуда кўп топилади.
• Агорафобия – кенг жойлар ва одам кўп жойларда кучли бош айланиш бўлади. Агорафобияни кучли кечишида уйдан чиққандан сўнг хам юз бериши мумкин.

Даволаш.

• Сизда бирдан бош айланиши бўлса – вахима қилманг, ўзингизни босинг ва ўтириб олинг. Кўзни бир нуқтага қаданг, кўзингизни юмманг.
• Агар сзда бош айланишидан ташқари бошқа белгилар – қўл ва оёқдаги оқариб кетиши, нутқ бузилиши, қорин ёки кўкракда оғриқ бўлса зудлик билан тез ёрдам чақиринг.
• Доимий такрорланиб турадиган бош айланишини аниқ сабабини топиб мутахасис шифокор даволайди.